Lafaek News–Kandidatu Prezidente Repúblika 2022-2027, Tenente Jeneral (Reformadu), Lere Anan Timor afirma bainhira simu kan’ar nu’udar prezidente repúblika sei hakotu krize no impase polítika iha rai-laran tanba Timor Leste la’os ema ida nia kusta.
Lere hatoo asuntu ne’e bainhira halo konsolidasaun iha postu administrativu Bazartete munisípiu Likisá, tersa (22/02/22) deklara katak, povu Likisa sei fo votus maioria ba nia iha Eleisaun Prezidensial agora neebe sei realiza iha loron 19/03/2022.
https://lafaeknews.tl/Lere-Parabens-Xanana-Fo-Konfiansa-Borta/
Ha’u sai prezidente sei hakotu impasse polítika, tanba Timor Leste la’os ema ida mesak nia kusta,’’ katak Lere Anan Timur
Nia dehan, iha Rai Likisa seia dúvida iha loron eleisaun 19 de Marsu , husi dook matan dook siik ona iha Timor dúvidas ba munisipiu hotu, maibé iha Likisa fiar metin manan maioria iha eleisaun prezidensial agora.
Ha’u tenke husik hau nia knaar xefe estadu maior jeneral hakarak hili dalan ba Prezidente Repúblika tanba hakarak halo diferénsia ho ha’u nia maluk sira seluk no mos hau sei hakotu impase polítika bainhira ha’u mak sai aman ba nasaun,” Lere deklara.
Iha fatin hanesan Veterana Madalena Soares “Kasian” fundamenta, populasaun munisípiu Likisá hili ona maun boot luta nain sira ona barak, maibé Jeneral Lere Anan Timur seidauk, tan ne’e eleisaun agora tenke vota ba kandidatu Lere Anan Timur manan iha Likisá.
Ita hamutuk iha nee atu fo hanoin ba malu hodi apoiu ba ita nia maun boot Lere atu servi nasaun povu ida nee ho diak, maibe labele hatene deit manan funu maibe la hatene oinsa atu lori timor nee ba ona tanba nee ita tenke hili no vota ba ita nia maun boot Lere Anan Timur,” Veterana Kasian relata
.Kasian husu ba apoiante sira bainhira apoiu kandidatu Lere Anan Timur tenke vota mos ba nia nune’e Lere mak bele manan maioria iha eleisaun Likisá.
Jornalista : Orlando Magno
Editor : Agapito de Deus
