Lafaek News–Governu liu-hosi Ministériu Administrasaun Estatal prepara Transporte ba Eleitores iha Eleisaun Prezidensiál Segunda Volta ne’ebé atu fila ba sira-nia munisipiu hodi exerse sira-nia direiu de sufrájiu universal.
Lia hirak ne’e hato’o husi Ministru Asuntu Parlamentares Komunikasaun Sosial, Francisco da Costa Pereira Jerónimo Hanesan Porta-voz Governu liu husi Konferensia Imprensa iha Edifisu Ministériu Administrasaun Estatal, kinta 14/04/2022.
MAPKOMS Jeronimo Esplika, Ba Própozitu ida ne’e iha pontus balu maka Governu hakarak Fó sai ,Governu liu-hosi Ministériu Administrasaun Estatal hamutuk ho Câmara Comércio e Industria hakarak Fasilita transporte atu tula-fila Eleitores ba sira idak-idak nia Munisipiu liu-liu sira ne’ebé hakarak duni fila hodi ba vota tuir sira idak-idak nia kartaun eleitorál
Ba Eleitores sira ne’ebé rejistu ona iha sentru Votasaun Paralelu, kontinua vota iha sentru Votasaun Paralelu no ba sira neebe hakarak ba munisipiu Fatin Konsentrasaun, Rejiaun I (Manatutu, Baucau, Viqueque ho Lautém ) iha Sentru Konvensaun Dili CCD nia oin, Rejiaun II (Aileu, Ainaru, Manufahi no Covalima) iha Caicoli Tribunal Rekursu nia oin no mos Rejiaun III (Liquiça, Ermera, Bobonaro) Iha Tasi-Tolu,” dehan Poravos Jeronimmo.
Nia esplika, Data Tula Eleitores ba Faze Daruak, Loron 17 fulan-Abril Hahu husi oras 10:00 Dader Otl Munisipiu Bobonaro (PA Bobonaro, Lolotoe, Cailaco), Munisipiu Baucau (PA Qulecai, Baguia), Munisipiu Viqeuqeu (PA Postu Adminisrativu Hotu), Munisipiu Covalima (PA Postu Adminisrativu Hotu) Munisipiu Lautém (PA Postu Adminisrativu Hotu).
Loron 18 Fulan- Abril tinan 2022 Hahu husi Oras 08:00 dader to’o 12:00 Meiu dia, Oras em Pontu, Munisipiu Aileu, Ainaro, Manufahi, Liquiça, Manatutu, Baucau ( Postu Administrativu 4 ), Ermera (Postu Administrativu 4), Bobonaro (Postu Administrativu 3).
Ba Eleitores Interesadus, Husu ita-bo’ot sira la Persija Sena Malu ou Ansi hadau malu kareta tanba transporte sempre iha durante loron markadu to’o oras Determinadu
Husu atu ita-bo’ot sira ida-idak asegura ita-bo’ot sira-nia an, durante viajem nia laran hodi evita akontesimentu ne’ebé ita-hotu lakohi hasoru iha momentu importante ida ne’e,” MAPKOMS Jeronimo Rekomenda.
Jornalista : Orlando Magno
Editor : Agapito de Deus
