Lafaek News–Kinta Feira Santa nu’udar loron dahuluk ba adventual ba paskua nian atu hafanu no lori hikas sarani ida-idak ba dalan reflesaun ba hahalok hirak ne’ebé halo durante tinan ida atu moris foun ho hahalok tomak haraik an nian hanesan lider ezemplar Jesus.
Selebtrante parokia Saun José Aimutin, Pe. Emanuel Lelo Talo, hateten, kinta feira santa Jesus fase apostulo sira nia ain hatudu sinal domin no haraik-an bainhira maromak haraik an ona ema mos tenke haraik -an maka’as liután ba malu.
Maromak sempre book ita nia an hatudu karakter ida serví ho haraik-an no domin nakonu nian, ikus mai, Ita hotu iha inspirasaun atu ema hotu bele hetan salvasaun mak Jesus harí eukaristia iha kalan ida ne’e, Nain Jesus hatudu nia hahalok mai ita husi maromak atu bele Salva ema hotu atu ema hotu tenke haraik an no iha fuan ne’ebe nakonu ho domin hanesan ohin nain Jesus fase nia apostulo sira nia ain,”dehan padre Emanuel ba lafaek news hafoin remata misa kinta santa kalan, iha Aimutin (14/04/2022)
Tanba ne’e nia dehan, nain Jesus hanesan Lider ezemplar ida ne’ebe hatudu ezemplu, karakter haraik-an no domin atu ema iha mundu tomak bele banati tuir nia.
Haraik -an atu hadomi nakonu ho domin, nee hatudu karakter lolos nian ne’ebe Jesus hatudu ona mai Ita atu ita bele banati tuir Jesus, karakter haraik – an no domin tenke iha oituan depois kristo mai moris iha mundu Ita nia domin sai Luan Liu tan,” dehan Nia
Observasaun Jornalista lafaek news katak, iha igreja laran no liur nakonu ho sarani no religiozu/a sira ,misa kinta feira santa hahu tuku 8 kalan too tuku 10 kalan kontinua adorasaun santísimo to’o remata iha tuku 11 kalan.
Jornalista :Domingas Viana
Editor : Agapito de Deus
