Lafaek News (Baukau)-Domingu (07/03/22) mosu konfrontasaun kiik entre militantes partidu KHUNTO militantes partidu istóriku FRETILIN rezulta povu kiik nain 8 kanek inklui estraga komunidade kiik balun nia rental mákina kopia rua inklui motorizdas 2 rahun.
konfrontu ne’e mosu dala tolu, mosu primeiru hafoin militantes partidu KHUNTO fila husi Lautém atu partisipa iha kampañia iha Baukau kampu futebol Triloka ne’ebé hakerek ona iha kalendáriu CNE nian, bainhira komisiu polítika partidu KHUNTO nian remata militantes atu fila hetan tan asaltu ba dala rua iha area Baukau Vila no Venilale hodi rezulta povu kiik nain 8 ne’ebé sai nu’udar militantes ba partidu KHUNTO hetan kanek,
iha akontesimentu ne’e mosu tanba iha momentu ne’e partidu istóriku ne’e halo mós mini-kampañia iha loron hanesan iha Baukau, komesa mosu provokasaun maka’as husi militantes partidu istóriku ne’e rezulta povu kiik nain walu ne’ebé nu’udar apoiantes kandidatu prezidente númeru sorteiru 9 nian kanek.https://lafaeknews.tl/armada-laiha-nasaun-nasaun-sei-la-hakmatek/
Avelito J. Filipe hanesan vítima husi akontesimentu ne’e, haktuir kronolojia ba lafaek news katak hafoin sira mai iha husi diresaun Lautem iha oras 02 lokraik atu ba partisipa kampaña partidu KHUNTO iha Baukau, hafoin to’o iha rotunda besik Igreja katedral Baukau kota lama militante joven balun hatais atributu partidu FRETILIN ho bandeira Partidu istóriku ne’e hodi halo asaltu militantes partidu KHUNTO ne’ebé foin mai husi Lautem .
Ema sira tuda ami ne’e barak mak hatais faru Fretilin, sira tuda mai ha’u tur iha bus leten ha’u la haree ida derepente de’it fatuk kona ha’u nia ulun ona” dehan vítima ba lafaek news Triloka Baukau ( 06/03 )
Vítima ne’e relata katak, militantes sira inklui nia (vítima) foin fila husu Lautém too iha Baukau la’os intensaun atu provoka, maibé la’o ho kareta halai ho disiplina derepente fatuk kona ona vítimas balun molok to’o fatin kampañia.
Ami mai atu partisipa kampañia ida ne’e, tanba ami iha dalan la provoka derepente de’it ema tuda ami iha bus husi parte karuk nian sira tuda husi foho leten, ami mai kareta rua ida anguna husi Laga, ida husi Kelikai, bus uluk hafoin anguna tuir, pas too iha dalan besik Igreja Baukau nian sira tuda ona,” dehan nia
Iha konfrontu ne’e konsege rezulta vítima nain tolu ne’e feto ida kanek husi liman karuk kabaas bubu, mane ida kanek husi parte liman fuan karuk nakles, no ikus mane ida parte ulun nakles ho kamaan no halo kedan tratamentu iha fatin kampañia kampu tebe bola Triloka.
Hafoin kampañia partidu KHUNTO remata iha oras 6:00 loro kraik militante sira fila balun ba Laga mós hetan asalta tan dala ida, maibé vise Ministru Interior hakalma situasaun la rejulta ema ruma kanek, maibe iha parte Venilale maske PNTL akompañia mosu nafatin asaltu rezulta militantes KHUNTO nain lima kanek iha tuku 7 kalan iha dalan.
Vítima Alianca Freitas Monteiro hatete hafoin fila husi Baukau ba Venilale grupu balun subar iha duut laran parte foho leten tuda fatuk rezulta tan militantes nain lima kanek
Ami sai husi fatu-maka nian sai mai to’o kaudadi nian mak,ema sira ne’e subar hotu iha foho leten mak tuda tun mai,balun husi sori-sorin polisia sira akomapaña ami ne’e tiru mak foin sira halai tama ba ai-laran”dehan nia
Vítima nain lima da-daun ne’e hetan ona tratamentu iha sentru saúde Venilale feto nain tolu mak kanek iha parte ulun no mane nain rua mos kanek hanesan.
iha sorin seluk, Cesar Aparicio nu’udar manajer ba Rental copy C3N, haktuir konfrontasaun ne’e mosu iha oras 14 loro kraik, militantes husi partidu KHUNTO husi Lautém atu ba kontinua kampañia kampu futebol Triloka munisípiu Baukau, derepente militantes husi partidu ida seluk tun husi kareta truk imediatamente tuda motor 2 ho mákina copy 2 ho inklui sasán balun hetan estragus.
”Husi akontesimentu ne’e ha’u hasai kedan fotograpia hodi posting iha media sosial (facebook), situasaun ne’e akontese la’os provokasaun, maibé akontesimentu ne’e rezulta rental copy C3N mákina rua ho sasan seluk estraga hotu,” katak Cesario Aparicio ba lafaek news liu husi media sosial (facebook) iha domingu ne’e.
Entretantu, iha akontesimentu ne’e Jornalista lafaek news tenta halo konfirmasaun kedan ho komandu PNTL Baukau maibé la atende telefone, maibé sei tenta konfirma PNTL Baukau no lider partidu KHUNTO kona-ba motivu konfrontu refere iha tempu tuir mai. tuir observasaun lafaek news iha territoriu nasional aleinde mosu konfrontu entre FRETILIN ho KHUNTO iha Baukau, iha Manufahi grupu balun husi partidu FRETILIN hemu lanu tenta asalatu militantes husi partidu CNRT iha Karbulau area Fatuk maromak munisípiu Manufahi maibé situasaun konsege normal hikas tanba militantes husi partidu CNRT hakalma an no la simu hasoru grupu refere, no situasaun iha territoriu nasional hakmatek hanesan babain.
Jornalista : Domingas Viana
Editor : Agapito de Deus
