Lafaek News–Kandidatu Prezidente Repúblika periodu 2022-2027, premiadu Nobel ba Paz, José Ramos Horta prefere, di’ak liu militantes husi kandidatu ELPR Lú Olo ho Lere Anan Timur vota ba númeru 14, tanba sira nain rua (Lú Olo-Lere) la’os fundador FRETILIN.
Laureadu Nobel ba Paz hatoo asuntu ne’e hafoin halo diálogu aberta ho komunidade Bekae suku Lahane Oriental, domingu (27/02/22), Horta ko’alia asuntu ne’e ho akompania ho hamnsa no husu militantes husi kandidatu ELPR Francisco Guterres Lú Olo ho Tenente Jeneral Lere Anan Timur nian atu vota ba númeru 14 ho razaun sira nain rua la’os fundador FRETILIN.
Ha’u nia tiun Lú Olo la’os fundador Fretilin,ha’u fundador Fretilin, Lere la’os fundador Fretilin, hau fundador Fretilin, Marí Alkatiri la’os kandidatu ida, di’ak liu imi nain tolu hamutuk militantes tomak vota ba númeru 14, atu evita imi labele hirus malu,’’ Horta ko’alia ho hamnasa.
Horta fundamenta, durante simu todan iha rai liur, ladun rona Lú Olo nian naran, só rona de’it mak naran Lere Anan Timur, Taur Matan Ruak, so kumpre de’it orientasaun Xanana Gusmão, maibé naran Lú Olo nia (Horta) nunka rona iha rai liur.
Horta hateten, Francisco Guterres Lú Olo la’os fundador FRETILIN, Lere Anan Timur membru komite Central Fretilin jerasaun daruak nian, maibé sira nain rua la’os fundador ba FETILIN, tanba fundador lolos ba Fretilin balun mate ona no balun sei moris hela, tanb ne’e militantes partidu Fretilin tenke hili númeru 14 hodi valoriza fundador lolos ba Fretilin.
Diskuru Premiadu Nobel ba Paz ne’e besik minutu 30, no lia-fuan ne’ebé Horta espresa provoka komunidade hakilar maka’as liu tan, balun dehan loos duni, no balun hamnasa, no balun fali hakilar katak tempu too ona Horta ho Xanana reasume hikas responsabilidae.
Iha ámbitu diálogu ne’e, komunidae Bekae-oan sujere bainhira Horta sai Prezidente Repúblika no Xanana kaer fali governu tenke tau matan ba komunidade Bekae, tanba Bekae laiha bee mos no estrada, maske aldea Bekae mós sentraliza iha Dili, maibé populasaun sira nia moris hasoru dezafius liu fali populasaun iha area remotas munisípiu nian.
Observasaun lafaek news nota, populasaun Bekae utiliza kadalak leet hanesan estrada, maibé iha tempu udan komunidade sira la uza ona kadalak leet ne’e ba estrada, matan hateke de’it bee mak sulin husi foho leten hanesan mota boot ida, pasiénsia komunidade sira la’o tutur sira nia sasan ne’ebé sosa husi merkadu no produtu ne’ebé atu lori ba fan iha merkadu la’o tuir dalan salan too estrada hafoin tula ba kareta lori ba buka osan sustenta nesesidade uma laran.
Ajenda dahuluk iha loron domingu (27/02) ne’e nia Horta simu afiliasaun husi Partidu Demokrata Cristaun (PDC) iha kampu Aviasaun Bairu-pite, remta tiha kontinua simu apoiantes husi MOHAN Oe-kusse oan iha Kampun Alor remata, nune’e hakat kedan ba aldeia Bekae suku Lahane oriental kandidatu númeru sorteiru 14 ne’e kontinua kedan ba Maskarinas hodi kontinua diálogu ho juventude inklui simu mos apoiantes husi movimentu X-Corta iha Maskarinas.
Jornalista : Agapito de Deus
Editor : Floriano Soares
