Lafaek News-(Ataúru) Kandidatu prezidente repúblika númeru sorteiu 6, Francisco Guterres Lú Olo, nia komisíu polítiika afirma, iha nia mandatu Ataúru sai munisípiu, loron 19 Marsu re-eleitu sei servisu ho governu dezenvolve munisípiu Ataúru sai fatin turistíku.
Kandidatu numeru sorteiu 6 Francisco Guterres Lú Olo hatoo asuntu ne’e iha intervensaun kampaña komisíu Polítiku ba dala-13 iha munisípiu Atauru Doming, 13/03/2022.
Iha ha’u nia tempu Atauru sai munisípiu, liu husi lei ne’ebé mak ha’u promulga rasik atu bele hadia povu nia moris, ohin ha’u rona Atauru oan husu obrigadu ba nia aman bainhira aman fo buat di’ak ba nia oan sira, ne’e hanesan relasaun entre oan ho aman sira, maibé ba ha’u Prezidente Repúblika ha’u so bele hatutan saida mak ha’u hahu tiha ona,’’ dehan kandidatu Francisco Guterres Lú Olo iha munisípiu Ataúru, Domingo (13/03/2022).
Tuir Kandidatu Lú Olo dehan, bainhira atu hatutan nia sei kaer liman ho governu ne’ebé tuir mai atu nune’e bele halo sira nian poíitika dezenvolvimentu Atauru nian, saida mak Atauru sira presiza atu halo duni, polítika ida ne’ebe mak governu tenke defini, bainhira governu defini ona hanesan Atauru presiza uluk mak bee, eletrisidade, infra-estrutura, portu aeroportu, se ida ne’e mak politika governu nina, maibé tenki liu husi orsamentu ne’ebé mak Parlamentu Nasionál sei diskut ino aprova iha Parlamentu Nasionál sei lori ba Aitarak-laran hodi PR konkore orsamentu, hodi ezekuta. https://lafaeknews.tl/lu-olo-promete-kombate-korrupsaun-militantes-fretilin-konfrontu-rezulta-ema-ida-mate/
Iha fatin hanesan populasaun munisípiu Atauru joão Soaressente orgullu tanba Ataúru nivel hanesan mos munisípiu sira seluk, Atauro uluk konsidera area rurál, ohin loron hanesan munisípiu la’os ona area rurál, tanba bele responde ne’ebé mak lais liu.
Iha munisípiu Atauru Bee estrada no eletrisidade, mak kuaze iha munisípiu Atauru seidauk asesu too porsentu 100. husu kandidatu re- eleitu dala ida tan husu atu garante povu Atauro moris ho dignu, estabilidade, responde infraestrutura basika sira, tanba ida ne’e esensial tebes”, dehan nia.
Munisípiu Atauro tanba temi Munisípiu espesial, kompostu husi Suku Bikeli, Makadoi, Makadadi, Makili Villa ho ninia Aldeia 14.
Observasaun iha kampaña Kandidatu númeru sorteiu 6 Francisco Guterres Lú Olo, hetan partisipasaun husi militantes no simpazitantes partidu FRETILIN, no hetan seguransa másimu husi PNTL, inklui observa direta husi STAE, CNE munisípiu Ataúru, tuir kalendáriu kampaña ba dala-13 kandidatu PR Lú Olo sei hala’o iha suku Bekora munisípiu Dili.
Jornalista : Rita Moniz
Editor : Agapito de Deus
