Lafaek News–Konsumidor Francisco Colo, preokupa nesesidade bázika folin sa’e husu Presidente Repúblika Eleitu períodu 2022-2027 José Manuel Ramos Horta tau importansia foti alternativu di’ak, halo kooperasaun ho nasaun distributor sira rezolve hikas folin sásan.
Tuir konsumidor Francisco Colo hanesan mos estudante hela iha uma kos katak, krize ekonomia ne’e impaktu tebes ba povu kiik ne’ebé laiha osan, li-liu ba estudante ne’ebé hela iha uma kos, prejudika tebes ba iha konsumidor sira ne’ebé mak laiha kbiit atu bele sosa.
Ha’u hanesan estudante ida senti lalabele sosa ho rendimentu ne’ebé natoon hodi bele sosa foos ho mina goreng da-daun folin sae iha merkadu nasional”, dehan Konsumidor Francisco Colo bainhira halo entrevista ho LafaekNews largo (27/04/2022).
Husu emprezáriu hotu no importador labele hasa’e presu tuir gostu, bainhira hasa’e presu nesesidade báziku presiza haree kondisaun rendimentu ekonomia povu kiik nian iha situsaun ohin loron, tanba tinan 4 resin povu moris iha situasaun inserteza no ohin loron sasan nia foin sa’e as, ema iha osan bele sosa maibé ema ne’ebe laiha susar iha uma laran.https://lafaeknews.tl/mutl-deskonfia-importador-manipula-presu-nesesidade-baziku-hodi-fo-terus-povu-kiik/
Husu ba governu liliu ba Presidente Repúblika eleitu José Manuel Ramos Horta tau importansia hodi foti alternativu di’ak nune’e bele resolve sasan ne’ebé mak folin sae, presiza halo Kooperasaun ne’ebé mak di’ak ho nasaun ne’ebé mak distribui sira nian produtu mai iha Timor-Leste nune’e ’e bele resolve hikas sasan folin, labele fo impaktu ba sosiedade sira”, dehan Konsumidor Colo ba LafaekNews.
Tuir konsumidor Colo, Fiar katak Presidente eleitu ne’e ho kompeténsia ne’ebé mak boot no kapasidade ne’ebé mak iha bele halo komunika ho kampania distributor sira nune’e bele resolve folin sasan,
Hatan preukupasaun hirak ne’e, nain ba Loja Hametin Berlian Mika Saparicio Xavio, hatete sasan mina goreng, foos folin sae, sosa husi kompania ne’ebé mak sosa sasan ba, la’os loja nain mak hasa’e folin sásan, presu sa’e liliu foos no mina goreng.
Ami faan folin la sa’e liu husi kompania ne’ebé mak ami sosa ba mina goreng litru 5 ne’e folin $7 no 6$ agora folin $10 no balun $9.50 sen, foos 30 Kg agora $15.50 , no 25 Kg 14.50″, esplika nain ba Loja Hametin Berlian Mika Saparicio Xavio ba LafaekNews iha fatin loja Fatuhada.
Tuir Loja nain Mika , la’os de’it mina goreng ho foos mak folin sa’e, maibé sasan importasaun rai liur kuaze sae hanesan ayam pontong, tua no sasan sira seluk maibé mina goreng ne’e mak folin sa’e makas.
Sasan folin sira ne’e ami hasa’e tuir sosa iha kompania ne’ebé mak sosa ba, untung la boot liu konformi ami sosa, ami untung 0.50 sen too 0.75 sen de’it”, esplika nia.
Entretantu, observasaun Lafaek News iha situasaun atual ligau presu nesesidade báziku sa’e bei-beik iha Timor Leste, liu-liu foos ho mina, gazolina no gazoel, tuir diskusaun iha lidun-lidun espaila ema hotu katak kestaun presu sasan sa’e tanba kauza husi funu Ukrania ho Rusia
Jornalista : Rita Moniz
Editór : Agapito de Deus
