Lafaek News–Eis traballadór Korea do Súl nain haat hakarak investe iha setor peskas, maibé deskonfia Sekretáriu Estadu Formasaun Professional no Empregu (SEFOPE), Alarico do Rosario, orienta trava rede tombal kaer ikan hamutuk 700 unit husi eis traballadór Korea nain haat la ho razaun fundamental.
Eis traballadór nain hamutuk kompostu husi Aniceto da Silva, Ricardo Marques, Gusmão, Domingos Ximenes Guterres ho Santiago da Silva, hamutuk harii grupu ho intensaun hakarak investe iha setor peskas tuir esperiénsia ne’ebé durante servisu iha Korea do Súl.
Ami hahú servisu husi tinan 2010, ne’eb hetan esperiénsia atu implementa iha Timor Leste, maka iha governu anterior ami halo akordu ho SEFOPE iha Korea do Súl ho eis SEFOPE Ilidio Ximenes liu husi enkontru ida iha loron 15 fulan Setembru 2016 iha fatin Provincia Gwanju, iha momentu e’ebá marka mós prezensa Dom Carlos Filipe Ximenes Belo, SDB,’’ katak Aniceto da Silva ba Lafaek News iha Timor Plaza, sábadu (23/04/2022).
Koordenador ba grupu peskas Aniceto da Silva afirma, ajenda enkontru ne’e eis governante (Ilidio Ximenes), hatoo programa nian kona-ba skill ne’ebé trabllador Timor-oan sira hetan atu bele implementa iha Timor Leste, iha kualkér area, grupu hotu-hotu hatoo ninia proposta, maibé eis governante (eis SEFOPE) haree ba proposta hirak ne’e hotu fo prioridade ba area peskas nian.
Portantu, ami nain haat nia sai prioridade atu bele realiza iha Timor Leste, ha’u Aniceto da Silva ho Santiago da Silva decide an mai Timor hodi responde programa governu nian iha area peskas no ha’u nia kolega nain rua seluk hela servisu nafatin iha Korea do Súl,’’haktuir Aniceto.
Aniceto haktuir, ho desizaun ne’e sira nain haat sosa ekipamentu hanesan rede Tombal ho nia kuantidade hamutuk unidade 700, ho folin 9.600.000 (osan Won Korea), kusto transportasaun husi Korea do Súl mai Timor Leste ba kontentor ida 40 fit $ 6.500 dolar amérikanu tuir roo ANL Austrália nian.
Bainhira roo ANL mai atraka iha portu Dili ami ba selu taxa liu husi Ajénsia SDV Logistic east Timor Unipessoal Lda RBD 022652 iha loron 25 fulan Outobru 2017, $ 329.48 (dolares amérikanu) no selu ba governu ho montante $ 702.85 (dolares amériknu) tuir receivu anexa ona,’’ Aniceto relata.
Nia dehan, atu hasai kontentór iha Aportil maibé, prosesu dokumentu TIN SEFOPE iha momentu ne’eba mate, TIN ne’ebé mate sai difikuldade boot ba sira nia grupu, tanba aumenta durasaun kontentór iha Aportil kustu sa’e ba bebeik.
Liu husi forma ami konsege ba Ministru Dezenvolvimentu para Transporte no Komunikasaun no Sekretariu Estadu Juventude do Traballu, maibé laiha solusaun, ho razaun ida ne’e maka ami hakarak hasoru diretamente eis primeiru ministru, ami konfesa mo-mos no lolos ba eis primeiru ministru Marí Alkatiri, katak multa ne’ebé mak ami hasoru, ami laiha kbiit finansial atu responde no husu ho hakraik an atu ita boot bele uza ita boot nia providénsia nune’e bele responde ami nia susar no terus, hodi bele hala’o atividade peskas iha Timor Leste nune’e bele involve jovens Timor-oan ne’ebé la hetan servisu,’’ afirma eis traballador Korea ne’e.
aleinde, maske ho probema ne’e Autoridade Aduaneira diresaun nasional operasoens fo ona orientasaun hodi hasai kontetór ne’ebé tau rede tumbal refere ne’ebé tama iha loron 29/07/2020, no despaixu husi Autoridade Aduaneira (AA) iha loron 30/07/2020, maibé SEFOPE la autoriza fali entrega rede ba nain eis traballador nain 4 iha ne’eb hakarak investe iha setor peskas ho intensaun kontribui loke kampu servisu hodi kontribui ba dezenvolvimentu iha area peskas.
Entretantu, too notísia ne’e hatun lafaek news seidauk konfirma ho parte Sekretariu Estadu Formasaun Profesional no Empregu (SEFOPE) atual lideradu Alarico do Rosario atu esklerese kona-ba razaun fundamental ba asuntu ne’e, lafaek news sei tenta konfirma iha loron tuir mai iha oras servisu nian.
Jornalista : Acacio Pinto
Editor : Agapito de Deus
